Qatar Mail: ಮೊದಲ ವಿಶುವಿನ ಮೊದಲ ಕೈನೀಟಂ ಅನ್ನೂ ಜೋಪಾನವಾಗಿ ಕಾಪಿಟ್ಟುಕೊಂಡಿದ್ದೇನೆ

 ಕತಾರ್ ಮೇಲ್ | Qatar Mail : ಕುಟುಂಬದ ಅತಿ ಕಿರಿಯರಿಗೆ ಈ ದಿನವೆಂದರೆ ಎಲ್ಲಿಲ್ಲದ ಸಡಗರ. ಕಿರಿಯ ಮಕ್ಕಳಿಗೆ ಕುಟುಂಬದ ಎಲ್ಲಾ ಹಿರಿಯರಿಂದಲೂ ಉಡುಗೊರೆಯ ರೂಪದಲ್ಲಿ ಹಣ ದೊರಕುತ್ತದೆ. ನನಗೆ ನನ್ನ ಪತಿರಾಯನಿಂದ ಹಣ ಸಿಕ್ಕರೆ, ನನ್ನ ಮಗನಿಗೆ ನನ್ನಿಂದ ಮತ್ತು ನನ್ನ ಪತಿಯಿಂದ ಇಬ್ಬರಿಂದಲೂ ಉಡುಗೊರೆ ದೊರಕುತ್ತದೆ. ಮದುವೆಯಾದ ಮೇಲೆ ಪತಿಯಿಂದ ದೊರೆತ ಮೊದಲ ಕೈನೀಟಂ ಮಾತ್ರವಲ್ಲದೆ, ಮಗ ಬೆಳೆದು ದೊಡ್ಡವನಾದ ಮೇಲೆ ಅವನ ಕೈಗೇ ಕೊಡುವುದಕ್ಕಾಗಿ ಅವನ ಮೊದಲ ವಿಶುವಿನ ಮೊದಲ ಕೈನೀಟಂ ಅನ್ನೂ ಜೋಪಾನವಾಗಿ ಕಾಪಿಟ್ಟುಕೊಂಡಿದ್ದೇನೆ. ನಮ್ಮ ಮದುವೆ ನಿಶ್ಚಿತಾರ್ಥದ ದಿನ ನಿಗದಿಯಾದ ಮೇಲೆ ನನ್ನ ಪತಿಯ ಬಾಲ್ಯದ ಗೆಳೆಯ ನನ್ನನ್ನು ಮುಖಾಮುಖಿ ನೋಡಲು ಕೇರಳದಿಂದ ಬೆಂಗಳೂರಿಗೆ ಬಂದಿದ್ದ. ಸೇಂಟ್ ಮಾರ್ಕ್ಸ್ ಎಲ್.ಐ.ಸಿ. ಕಟ್ಟಡದ ಮೆಟ್ಟಿಲುಗಳ ಮೇಲೆ ಕುಳಿತು ಪ್ರಶ್ನೆಗಳ ಸುರಿಮಳೆಗರೆದು ಹೊರಡುವ ಮುನ್ನ, "ಕುಟ್ಟಿ, ಇದು ನಿನ್ನ ಏಟನಿಂದ (ಅಣ್ಣನಿಂದ) ನಿನಗೆ ಮೊದಲ ವಿಶು ಕೈನೀಟಂ," ಎನ್ನುತ್ತಾ ೫೦೧ ರೂಪಾಯಿ ಕೊಡಲು ಬಂದಾಗ ನಾನು ತಬ್ಬಿಬ್ಬಾಗಿದ್ದೆ. ಇನ್ನೆರಡು ದಿನಗಳಲ್ಲಿ ಮಲಯಾಳಿಗಳ ಹೊಸ ವರ್ಷ ವಿಶುವಿದೆಯೆಂದೂ, ಆ ಹಣ ಹಬ್ಬದ ದಿನ ಹಿರಿಯರು ಕಿರಿಯರಿಗೆ ಕೊಡುವ ಉಡುಗೊರೆಯೆಂದೂ ಹೇಳಿ, "ನಿನಗಿಷ್ಟ ಬಂದದ್ದನ್ನು ತೆಗೆದುಕೋ," ಎಂದಾಗ ನಾನು ಅಳುಕುತ್ತಲೇ ಹಣವನ್ನು ಪರ್ಸಿನಲ್ಲಿಟ್ಟುಕೊಂಡಿದ್ದೆ.    

ಚೈತ್ರಾ ಅರ್ಜುನಪುರಿ, ಪತ್ರಕರ್ತೆ, ಛಾಯಾಗ್ರಾಹಕಿ (Chaitra Arjunpuri) 

*

(ಪತ್ರ 8, ಭಾಗ 2)

ನಿಧಾನವಾಗಿ ಮಲಯಾಳಿಗಳ ಜಗತ್ತು ನನ್ನ ಮುಂದೆ ತೆರೆದುಕೊಳ್ಳುತ್ತಾ ಹೋಯಿತು. ಅಣ್ಣನಿಲ್ಲದ ಕೊರತೆಯನ್ನು ನೀಗಿಸಿದ ಪತಿಯ ಆ ಗೆಳೆಯ, ನಮ್ಮ ಮದುವೆಯಾದ ಬಳಿಕದ ಮೊದಲ ವಿಶುವಿನ ದಿನ ದಂಪತಿಗಳಿಬ್ಬರನ್ನೂ ತನ್ನ ಮನೆಗೆ ಊಟಕ್ಕೆ ಕರೆದೊಯ್ದು, ವಿಶು ಕೈನೀಟಂ ಎಂದು ಒಂದು ತೋಲದ ಚಿನ್ನದ ನಾಣ್ಯವನ್ನು ಕೈಗಿಟ್ಟಾಗ ಬೆಚ್ಚಿ ಬಿದ್ದಿದ್ದೆ. ಆ ಗೆಳೆಯನಿಗೆ ಹೆಣ್ಣು ಮಕ್ಕಳು ಹುಟ್ಟಿದಾಗ ಅವರಿಗೆ ನಾನು ನೀಡಿದ ಚಿನ್ನದ ನಾಣ್ಯಗಳಿಂದ ಅವರು ಒಡವೆ ಮಾಡಿಸಿಕೊಂಡರಾದರೂ, ಅವನು ನೀಡಿದ ನಾಣ್ಯವನ್ನು ನಾನಿನ್ನೂ ಜೋಪಾನವಾಗಿರಿಸಿಕೊಂಡಿದ್ದೇನೆ. 

 

ಹಬ್ಬದ ದಿನ ಯಾರು ಎಷ್ಟು ಹಣ ನೀಡಿದರು ಎನ್ನುವುದಕ್ಕಿಂತ ಹೆಚ್ಚು ಸವಲತ್ತು ಹೊಂದಿರುವವರು ಮುಕ್ತ ಮನಸ್ಸಿನಿಂದ ತಮ್ಮಲ್ಲಿರುವ ಹಣವನ್ನು ಇಲ್ಲದವರಿಗೆ ವಿತರಿಸುವ, ಹಿರಿಯರೆಂದು ಅವರು ನೀಡುವ ಹಣವನ್ನು ಗೌರವದಿಂದ ಇಲ್ಲದವರು ಸ್ವೀಕರಿಸುವ ಸಂಕೇತಕ್ಕೆ ಮಲಯಾಳಿಗಳಲ್ಲಿ ಬಹಳ ಮಹತ್ವವಿದೆ. ಆ ದಿನ ಮನೆಗೆ ಬರುವ ಯಾವುದೇ ಕಿರಿಯರಿಗೆ, ಮನೆ ಕೆಲಸದವರಿಗೆ ತಮ್ಮ ಕೈಲಾದ ಹಣವನ್ನು ನೀಡಿ ಮುಂಬರುವ ವರ್ಷವನ್ನು ಸಂತೋಷದಿಂದ ಬರ ಮಾಡಿಕೊಳ್ಳುತ್ತಾರೆ.  

  

'ವಿಶು ಸದ್ಯ' 

ವಿಶು ಕಣಿ ನೋಡಿದ ಬಳಿಕ ಸಾಮಾನ್ಯವಾಗಿ ರಾಮಾಯಣ ಅಥವಾ ಭಗವತ್ಗೀತೆಯ ಪದ್ಯಗಳನ್ನು ಓದುತ್ತಾರೆ, ಆದರೆ ನಮ್ಮ ಮನೆಯಲ್ಲಿ ಆ ಅಭ್ಯಾಸವಿಲ್ಲ. ಅಪ್ಪ-ಮಗ ಮತ್ತೆ ಮಲಗಲು ಹೊರಟರೆ, ನಾನು ಮಧ್ಯಾಹ್ನದ ಹಬ್ಬದೂಟ, 'ವಿಶು ಸದ್ಯ'ದ ತಯಾರಿಗಾಗಿ ಅಡುಗೆ ಮನೆ ಸೇರಿಕೊಳ್ಳುತ್ತೇನೆ. 

 

ಕುದಿಸಿದ ಕೆಂಪಕ್ಕಿಯ ಜೊತೆ ಸಾಂಬಾರ್, ರಸಂ, ಮೋರು ಕರಿ, ಕೂಟನ್ ಎಂದು ಕರೆಯಲ್ಪಡುವ ವಿವಿಧ ಬಗೆಯ ಪಲ್ಯಗಳು - ಅವಿಯಲ್, ಕಾಳನ್, ಓಳನ್, ತೋರನ್, ಪಚಡಿ, ಕಿಚಡಿ, ಕೂಟುಕರಿ, ಎರಿಷೆರಿ - ಚಕ್ಕ ಎರಿಷೆರಿ ಮತ್ತು ಮತ್ತನ್ ಎರಿಷೆರಿ - ಪುಳಿಂಜಿ, ಮೂರ್ನಾಲ್ಕು ಬಗೆಯ ಪಾಯಸಗಳು - ಪಾಲ್ ಅಡ, ಅಡ ಪ್ರಧಮನ್, ಪರಿಪ್ಪು ಪಾಯಸಂ, ಚಕ್ಕ ಪ್ರಧಮನ್ - ಮುಗಿಸಿ, ಮಾವಿನ ಮತ್ತು ನಿಂಬೆಯ ಉಪ್ಪಿನಕಾಯಿಗಳಿಗೆ ಒಂದಷ್ಟು ಒಗ್ಗರಣೆ ಹಾಕಿ, ಹಪ್ಪಳ-ಸಂಡಿಗೆ ಕರೆಯುವಷ್ಟರಲ್ಲಿ ಮಧ್ಯಾಹ್ನವಾಗಿರುತ್ತದೆ.

 

ಉಪ್ಪು, ಬಾಳೆಕಾಯಿ ಚಿಪ್ಸ್, ಶರ್ಕರ ಉಪ್ಪೇರಿ, ಬಾಳೆಹಣ್ಣು, ಮೊಸರು, ಮಜ್ಜಿಗೆಗಳು ಬಾಳೆ ಎಲೆಯೇರಲು ಸಜ್ಜಾಗಿ ನಿಲ್ಲುತ್ತವೆ. ಆ ಕಾಲದಲ್ಲಿ ದೊರಕುವ ವಿವಿಧ ಬಗೆಯ ಹಣ್ಣು ಮತ್ತು ತರಕಾರಿಗಳನ್ನು ಬಳಸಿ ತಯಾರಿಸುವ ವಿಶು ಸದ್ಯದಲ್ಲಿ ಉಪ್ಪು, ಹುಳಿ, ಕಹಿ ಮತ್ತು ಸಿಹಿ ಸಮ ಪ್ರಮಾಣದಲ್ಲಿ ಬಳಕೆಯಾಗುತ್ತವೆ. ಜಿಲ್ಲೆಯಿಂದ ಜಿಲ್ಲೆಗೆ ಸದ್ಯದ ಖಾದ್ಯಗಳಲ್ಲಿ ವ್ಯತ್ಯಾಸವಿರುತ್ತದೆ. ಉದಾಹರಣೆಗೆ, ತಿರುವನಂತಪುರದ ಕೆಲವು ಭಾಗಗಳಲ್ಲಿ ಸದ್ಯದಲ್ಲಿ ಎರಿಷೆರಿ ಮತ್ತು ಓಲನ್ ಇರುವುದಿಲ್ಲ, ಆದರೆ ಉತ್ತರ ಭಾಗದ ಇತರೆ ಜಿಲ್ಲೆಗಳಲ್ಲಿ ಇರುತ್ತವೆ. 

 

ಖಾದ್ಯಗಳನ್ನು ಬಡಿಸುವ ಕ್ರಮ    

ಈ ನಡುವೆ ಸ್ನಾನ, ಪೂಜೆ ಮುಗಿಸಿ ಹೊಸ ಕಸುವು ಸೀರೆ ಧರಿಸಿ ನಿಲ್ಲುವಷ್ಟರಲ್ಲಿ, ಗಂಟೆ ಮಧ್ಯಾಹ್ನ ಒಂದಾಗುತ್ತದೆ, ಗೆಳೆಯರು ಊಟಕ್ಕೆ ಬರಲು ತೊಡಗುತ್ತಾರೆ. ಅಡುಗೆ ಮಾಡುವುದು ನನ್ನ ಕೆಲಸವಾದರೆ, ಅವುಗಳನ್ನು ಬಾಳೆ ಎಲೆಯ ಮೇಲೆ ಬಡಿಸುವುದು ನನ್ನ ಪತಿ ಮತ್ತವನ ಗೆಳೆಯರ ಪಾಲಿನ ಕೆಲಸ. ಅಡುಗೆ ಮಾಡಿದವಳಿಗೆ ಬಡಿಸಿವುದು ಕಷ್ಟವೇ ಎನ್ನಬೇಡಿ.  

 

ಸಾಮಾನ್ಯವಾಗಿ, ಸದ್ಯದ ಬಾಳೆ ಎಲೆಯಲ್ಲಿ ಸುಮಾರು ೨೪ರಿಂದ ೨೮ ಖಾದ್ಯಗಳನ್ನು ಎಲೆಯ ಮೇಲೆ ನಿರ್ದಿಷ್ಟ ಸ್ಥಳಗಳಲ್ಲಿ ನಿರ್ದಿಷ್ಟ ಕ್ರಮದಲ್ಲಿ ಬಡಿಸಬೇಕು. ಉಪ್ಪನ್ನು ಎಲೆಯ ಮೇಲಿನ ಎಡ ಮೂಲೆಯಲ್ಲಿ ಬಡಿಸಿ, ಪಕ್ಕದಲ್ಲಿ ಉಪ್ಪಿನಕಾಯಿಗಳನ್ನು ಬಡಿಸಬೇಕು, ಇನ್ನು ಬಾಳೆಹಣ್ಣನ್ನು ಎಳೆಯ ಕೆಳ ಭಾಗದ ಬಲ ಮೂಲೆಯಲ್ಲಿ ಬಡಿಸಬೇಕು. ಹಾಗಾಗಿ ಬಡಿಸುವ ಕೆಲಸವನ್ನು ಮಲಯಾಳಿ ಗಂಡನಿಗೆ ಬಿಟ್ಟು ಕೊಟ್ಟು ಪಕ್ಕದಲ್ಲಿ ನಿಲ್ಲುತ್ತೇನೆ.

 

ಹಬ್ಬದೂಟ ಮುಗಿಸಿದ ಗೆಳೆಯರು, ಮಾರನೆಯ ದಿನ ಸವಿಯಲು ಒಂದಿಷ್ಟು ಪಾಯಸವನ್ನೂ, ಒಂದಷ್ಟು ಸಂತಸದ ಕ್ಷಣಗಳನ್ನೂ ತಮ್ಮ ಮನೆಗೂ ಕೊಂಡೊಯ್ಯುತ್ತಾರೆ. ಓಣಂ ಹಬ್ಬದೂಟಕ್ಕೆ ಮತ್ತೆ ಸಿಗೋಣ ಎಂದು ಅವರೆಲ್ಲಾ ಕೈಬೀಸಿ ಸಂಜೆ ಮನೆಯಿಂದ ಹೊರಟಾಗ ಎಲ್ಲರ ಮನದಲ್ಲೂ ತೃಪ್ತಿ ತುಂಬಿ ತುಳುಕುತ್ತಿರುತ್ತದೆ. 

 

ಜೀವಂತ ಪರಂಪರೆ           

ಕೇರಳದಲ್ಲಿ ವಿಶುವಿನ ರಾತ್ರಿ ನಮ್ಮ ದೀಪಾವಳಿಯ ಹಾಗೆ ವಿಶು ಪಡಕಂ ಎಂದು ಪಟಾಕಿಗಳನ್ನು ಹೊಡೆದು ದಿನವನ್ನು ಕೊನೆಗೊಳಿಸುತ್ತಾರೆ. ಹೊರದೇಶದಲ್ಲಿ ವಿಶುವಿಗೆ ಯಾವುದೇ ರಜೆಯಿಲ್ಲದ ಕಾರಣ, ವಾರದ ದಿನಗಳಲ್ಲಿ ಹಬ್ಬ ಬಂದರೆ, ಆ ದಿನ ಸದ್ಯ ತಯಾರಿ ಸಾಧ್ಯವಾಗುವುದಿಲ್ಲವೆಂದು ಕೇವಲ ಪಾಯಸದೊಂದಿಗೆ ಸರಳವಾಗಿ ಹಬ್ಬ ಆಚರಿಸಿ, ಹಬ್ಬದೂಟ ಮತ್ತು ಉತ್ಸವವನ್ನು ವಾರಾಂತ್ಯಕ್ಕೆ ಮುಂದೂಡಿಕೊಳ್ಳುತ್ತೇವೆ. 

 

ಆದರೆ ಈ ಬಾರಿ ಹಬ್ಬದೂಟವನ್ನು ಮುಂದೂಡದೆ, ಕೈಗೆ ಸಿಗುವ ತರಕಾರಿಗಳನ್ನು ಬಳಸಿ, ಕಡಿಮೆ ಖಾದ್ಯಗಳನ್ನು ತಯಾರಿಸಿ ಗಂಡ ಮತ್ತು ಮಗನೊಡನೆ ಸರಳವಾಗಿ ಊಟವನ್ನು ಮುಗಿಸಿ ಬಿಡುವ ಯೋಜನೆ ಹಾಕಿಕೊಂಡಿದ್ದೇನೆ. ಇದಕ್ಕೆ ಕಾರಣ ಎರಡು: ಮೊದಲನೆಯದು, ರಂಜಾನ್ ಮಾಸವಾಗಿರುವುದರಿಂದ ಗೆಳೆಯರನ್ನು ಆಹ್ವಾನಿಸಲಾಗುವುದಿಲ್ಲ, ಮತ್ತು ಎರಡನೆಯದು, ಹನ್ನೊಂದು ತಿಂಗಳ ಹಿಂದೆ ಗಂಡನ ಸಂಬಂಧಿಕರ ಮನೆಯಲ್ಲಾದ ಎರಡು ಕರೋನಾ ಸಂಬಂಧಿತ ಸಾವುಗಳು (ತಮ್ಮ ಸಂಬಂಧಿಕರ ಮನೆಗಳಲ್ಲಿ ಸಾವುಗಳಾದರೂ ಮಲಯಾಳಿಗಳು ವರ್ಷದ ತಿಥಿಯಾಗುವವರೆಗೂ ಯಾವುದೇ ಹಬ್ಬಗಳನ್ನಾಚರಿಸುವುದಿಲ್ಲ). 

        

ಹಬ್ಬದಾಚರಣೆ ಕೇರಳದಲ್ಲಿನ ಹಾಗಿಲ್ಲವಾದರೂ, ದೇಶನ ಹೊರಗಿರುವ ಪ್ರತಿಯೊಂದು ಮಲಯಾಳಿ ಕುಟುಂಬವೂ ಆದಷ್ಟು ಸಾಂಪ್ರದಾಯಿಕ ರೀತಿಯಲ್ಲಿ ವಿಶುವನ್ನು ಆಚರಿಸಿ, ತಮ್ಮ ಮುಂದಿನ ಪೀಳಿಗೆಗೆ ಜೀವಂತ ಪರಂಪರೆಯನ್ನು ಯಶಸ್ವಿಯಾಗಿ ರವಾನಿಸುತ್ತಿವೆ. 

(Source: TV9 Kannada)

Qatar Mail: ಕನ್ನಡದ ಮಗಳಾಗಿ, ಕೇರಳದ ಸೊಸೆಯಾಗಿ ಈ ವರ್ಷದ 'ವಿಶುಬಿಸು'ವಿನೊಂದಿಗೆ

 ಕತಾರ್ ಮೇಲ್ | Qatar Mail : ಈ ವರ್ಷ ಏಪ್ರಿಲ್ ೧೪ಕ್ಕೆ ತಮಿಳರ ಚಿತ್ತಿರೈ ಪುತ್ತಂಡು ಅಥವಾ ಪುದುವರುಶಂ ಮತ್ತು ಸಿಖ್ಖರ ವೈಸಾಖಿ ಹಾಗೂ ಏಪ್ರಿಲ್ ೧೫ಕ್ಕೆ ಮಲಯಾಳಿಗಳ ವಿಶು ಹಬ್ಬಗಳು ಬಂದಿವೆ. ಕಳೆದೆರಡು ವರ್ಷಗಳಲ್ಲಿ ಪ್ರಾಯಶಃ ಮೊದಲ ಬಾರಿಗೆ ಈ ಹಬ್ಬಗಳನ್ನು ಮೂರೂ ರಾಜ್ಯಗಳ ಜನತೆ, ಜಗತ್ತಿನ ಯಾವ ಮೂಲೆಯಲ್ಲಿದ್ದರೂ, ಸದ್ದು ಗದ್ದಲಗಳಿಲ್ಲದೆ ಸರಳವಾಗಿ ತಮ್ಮ ಮನೆಗಳಲ್ಲಿಯೇ ಆಚರಿಸಿಕೊಂಡಿದ್ದರು, ಥ್ಯಾಂಕ್ಸ್ ಟು ಕರೋನ ವೈರಸ್ ನ ರಣಕಹಳೆ. ಕತಾರ್ ನಲ್ಲಿ ಕರೋನ ವೈರಾಣು ಹರಡುವುದನ್ನು ನಿಯಂತ್ರಿಸಲು ಸ್ವಯಂ ನಿಯಂತ್ರಣ ಹೇರಿಕೊಂಡು, ಅನಗತ್ಯವಾಗಿ ಮನೆಯಿಂದ ಹೊರಬರದೆ, ಸ್ವಯಂ ನಿರ್ಬಂಧನೆಗೊಳಗಾಗಿದ್ದ ನಾವು ಗೃಹ ಬಂಧನದಲ್ಲಿದ್ದುಕೊಂಡೇ ರಂಗು, ಇಂಗು, ತೆಂಗು ಇಲ್ಲದೆ ಹೋಳಿ, ಯುಗಾದಿ, ಶ್ರೀ ರಾಮನವಮಿ, ಹನುಮ ಜಯಂತಿ ಮಾತ್ರವಲ್ಲದೆ, ಕನಿಕೊನ್ನ ಹೂವಿಲ್ಲದೆ, ಗೆಳೆಯರ ಕೇಕೆ-ಚಪ್ಪಾಳೆಗಳಿಲ್ಲದೆ ವಿಶುವನ್ನೂ ಸರಳವಾಗಿ ಆಚರಿಸಿದ್ದೆವು. ಕರ್ನಾಟಕದ ಮಗಳಾಗಿ ಚೈತ್ರ ಮಾಸದ ಮೊದಲ ದಿನದಂದು ಯುಗಾದಿ ಆಚರಿಸಿದರೆ, ಮರು ತಿಂಗಳು ವೈಶಾಖ ಮಾಸದ ಮೊದಲ ದಿನದಂದು ವಿಶು ಎಂಬ ಹೊಸ ವರ್ಷವನ್ನು ಕೇರಳದ ಸೊಸೆಯಾಗಿ ಆಚರಿಸಲು ಪ್ರಾರಂಭಿಸಿ ಒಂದೂವರೆ ದಶಕದ ಮೇಲಾಗಿದೆ.  

ಚೈತ್ರಾ ಅರ್ಜುನಪುರಿ, ಪತ್ರಕರ್ತೆ, ಛಾಯಾಗ್ರಾಹಕಿ (Chaitra Arjunpuri) 

*

(ಪತ್ರ 8, ಭಾಗ 1)

ವಿಶು ಮಲಯಾಳಿಗಳಿಗೆ ಹೊಸ ವರ್ಷದ ಆರಂಭವನ್ನು ತಿಳಿಸುವ ಸುಗ್ಗಿಯ ಹಬ್ಬ. ವಿಶ್ವದಲ್ಲಿ ಎಲ್ಲೇ ಇರಲಿ, ವಿಶು ಹಬ್ಬವನ್ನು ಆಚರಿಸುವ ಮೂಲಕ ಮಲಯಾಳಿಗಳು ಕೇರಳದಲ್ಲಿ ವಸಂತ ಕಾಲವನ್ನು ಬರಮಾಡಿಕೊಳ್ಳುತ್ತಾರೆ. ಅವರು ವಾಸವಿರುವ ಸ್ಥಳ ಎಲ್ಲೇ ಇರಲಿ, ಹೇಗೇ ಇರಲಿ ಆದಷ್ಟು ತಮ್ಮ ನಾಡಿನ ಆಚರಣೆಯ ಸೊಗಡನ್ನು ಉಳಿಸಿಕೊಳ್ಳಲು ಪ್ರಯತ್ನಿಸುತ್ತಾರೆ. ಸುಗ್ಗಿ ಮಾಸ ಬರುತ್ತಿದ್ದ ಹಾಗೆಯೇ, ಕೇರಳದ ಬೀದಿಗಳು, ಅಂಗಡಿ ಮುಂಗಟ್ಟುಗಳು, ಪ್ರತಿಯೊಂದು ಮನೆಯೂ ಕನಿಕೊನ್ನ (Cassia fistula) ಹೂವುಗಳಿಂದ ಅಲಂಕೃತವಾಗಿ ನವ ವಧುವಿನಂತೆ ಹಬ್ಬಕ್ಕೆ ಸಜ್ಜಾಗುತ್ತವೆ. 

  

‘ವಿಶು’ ಎಂದರೆ ಸಂಸ್ಕೃತದಲ್ಲಿ ‘ಸಮಾನ’ ಎಂದರ್ಥ. ತನ್ನೊಂದಿಗೆ ಸುಗ್ಗಿ ಸಮೃದ್ಧಿಯ ಭರವಸೆಯನ್ನು ಹೊತ್ತು ತರುವ ವಿಶು ಧಾರ್ಮಿಕತೆಯ ಜೊತೆ ಜೊತೆಗೆ ವೈಜ್ಞಾನಿಕ ಮಹತ್ವವನ್ನೂ ಹೊಂದಿದೆ. ಇದು ಹಗಲು ಮತ್ತು ರಾತ್ರಿಯ ಸಮಾನ ಅವಧಿಯನ್ನು ಸಂಕೇತಿಸುತ್ತದೆ. ವರ್ಷದ ವಸಂತ ವಿಷುವತ್ತು (spring equinox) ವಿನ ಈ ಅವಧಿಯಲ್ಲಿ ಸೂರ್ಯ ಮೀನ ರಾಶಿಯಿಂದ ಮೇಷ ರಾಶಿಗೆ ಪ್ರವೇಶಿಸಿದರೆ, ರೈತರು ಉಳುಮೆ ಮತ್ತಿತರೆ ಕೃಷಿ ಚಟುವಟಿಕೆಗಳನ್ನು ಪ್ರಾರಂಭಿಸುತ್ತಾರೆ. ಹಾಗಾಗಿ ಪ್ರತಿ ವರ್ಷ ಮೊದಲ ಮಲಯಾಳಂ ಮಾಸದ ಮೊದಲ ದಿನದಂದು, ಸಾಮಾನ್ಯವಾಗಿ ಏಪ್ರಿಲ್ ೧೪ ಅಥವಾ ೧೫ರಂದು ಮಲಯಾಳಿಗಳು ವಿಶು ಎಂದು ಸುಗ್ಗಿ ಹಬ್ಬವನ್ನು ಆಚರಿಸುತ್ತಾರೆ. 

 

ಕನಿಕೊನ್ನ ಹೂವೇ ಏಕೆ?   

ವಿಷ್ಣುವಿನ ಅವತಾರವಾದ ಶ್ರೀ ಕೃಷ್ಣನಿಗೆ ಸಂಪೂರ್ಣವಾಗಿ ಮೀಸಲಾಗಿರುವ ವಿಶು ಹಬ್ಬದಲ್ಲಿ ಕನಿಕೊನ್ನ ಹಳದಿ ಹೂವುಗಳದೇ ಸಾಮ್ರಾಜ್ಯ. ಶ್ರೀ ಕೃಷ್ಣ ತನ್ನ ಸೊಂಟದ ಸುತ್ತಲೂ ಈ ಹೂವುಗಳನ್ನು ಆಭರಣಗಳ ಹಾಗೆ ಧರಿಸಿಸುತ್ತಿದ್ದ ಎನ್ನುವ ನಂಬಿಕೆಯಿಂದಾಗಿ 'ವಿಶು ಕಣಿ'ಯ ಅತ್ಯಂತ ಅವಶ್ಯಕ ವಸ್ತುಗಳಲ್ಲಿ ಇದರದು ಅಗ್ರ ಸ್ಥಾನ.

ಕನಿಕೊನ್ನ ಹೂವಿನ ಮೂಲದ ಹಿಂದೆ ಒಂದು ಕುತೂಹಲಕಾರಿ ದಂತಕಥೆಯಿದೆ. ಬಹಳ ಹಿಂದಿನ ಕಾಲದಲ್ಲಿ ಕೇರಳದ ಒಂದು ಪುಟ್ಟ ಹಳ್ಳಿಯಲ್ಲಿ ಶ್ರೀ ಕೃಷ್ಣನ ಒಂದು ಸಣ್ಣ ದೇಗುಲವಿತ್ತು. ಒಂದು ದಿನ ಆಟವಾಡುತ್ತಾ ಪುಟ್ಟ ಬಾಲಕನೊಬ್ಬ ದೇಗುಲದೊಳಗೆ ಹೋಗುತ್ತಾನೆ. ಅದನ್ನರಿಯದ ಪೂಜಾರಿ ಸಾಯಂಕಾಲದ ಪೂಜೆಯ ಬಳಿಕ ದೇವಾಲಯಕ್ಕೆ ಬೀಗ ಹಾಕಿ ಮನೆಗೆ ಹೋಗುತ್ತಾನೆ. ಕತ್ತಲಲ್ಲಿ ಮಗು ಅಳುವುದನ್ನು ಕೇಳಿ ಬಾಲಕನ ರೂಪದಲ್ಲಿ ಪ್ರತ್ಯಕ್ಷವಾದ ಶ್ರೀ ಕೃಷ್ಣ ತನ್ನ ಸೊಂಟದಲ್ಲಿದ್ದ ಚಿನ್ನದ ಉಡುದಾರವನ್ನು ಮಗುವಿಗೆ ಕೊಟ್ಟು ಆಟವಾಡಿಸುತ್ತಾನೆ. 

 

ಮರುದಿನ ದೇಗುಲದ ಬಾಗಿಲು ತೆರೆದ ಪೂಜಾರಿಗೆ ವಿಗ್ರಹದಲ್ಲಿದ್ದ ಚಿನ್ನದ ಉಡುದಾರ ಕಾಣೆಯಾಗಿರುವುದು ತಿಳಿಯುತ್ತದೆ. ಸುದ್ದಿ ಹಳ್ಳಿಯಲ್ಲಿ ಹರಡಿ, ಜನರೆಲ್ಲಾ ಉಡುದಾರ ಹುಡುಕಲು ದೇಗುಲದಲ್ಲಿ ಜಮಾಯಿಸುತ್ತಾರೆ. ಸ್ವಲ್ಪ ಸಮಯದ ಬಳಿಕ, ಅನತಿ  ದೂರದಲ್ಲಿ ಪುಟ್ಟ ಹುಡುಗ ದೇವರ ಉಡುದಾರದೊಂದಿಗೆ ಆಟವಾಡುತ್ತಿರುವುದು ಕಾಣುತ್ತದೆ. ಹಳ್ಳಿ ಜನರೆಲ್ಲಾ ತನ್ನತ್ತ ಬರುತ್ತಿರುವುದನ್ನು ಕಂಡು ಹೆದರಿದ ಬಾಲಕ ಕೈಲಿದ್ದ ಚಿನ್ನದ ಉಡುದಾರವನ್ನು ಪಕ್ಕದಲ್ಲಿದ್ದ ಮರದತ್ತ ಎಸೆಯುತ್ತಾನೆ. ಮರದ ಕೊಂಬೆಗೆ ಸಿಲುಕಿಕೊಂಡ ಉಡುದಾರ ಒಮ್ಮೆಲೇ ಚಿನ್ನದ ಹಳದಿ ಹೂವುಗಳಾಗಿ ಅರಳುತ್ತದೆ. ಅಂದಿನಿಂದ ಈ ಹಳದಿ ಹೂವುಗಳನ್ನು ವಿಶು ಕನಿಕೊನ್ನ ಎಂದು ಕರೆಯಲಾಗುತ್ತದೆ.

 

ವಿಶು ಹಬ್ಬಕ್ಕೆ ಸಂಬಂಧಿಸಿದಂತೆ ಹಲವಾರು ಕಥೆಗಳಿವೆ. ಶ್ರೀ ಕೃಷ್ಣನು ನರಕಾಸುರನನ್ನು ಕೊಂದ ದಿನ ಎಂದು ಒಂದು ನಂಬಿಕೆಯಾದರೆ, ರಾಮ ರಾವಣನನ್ನು ಕೊಂದ ದಿನ ಇದು ಎನ್ನುವ ಮತ್ತೊಂದು ನಂಬಿಕೆಯಿದೆ.   

     

ವಿಶು 'ಕಣಿ'

ಬೆಳಿಗ್ಗೆ ವಿಶು ಕಣಿಯನ್ನು ನೋಡುವುದರೊಂದಿಗೆ ಈ ಹಬ್ಬದ ದಿನ ಪ್ರಾರಂಭವಾಗುತ್ತದೆ. ವಿಶು ದಿನದ ಬೆಳಿಗ್ಗೆ ತಮ್ಮ ಕಣ್ಣುಗಳನ್ನು ತೆರೆದಾಗ ಏನನ್ನು ನೋಡುತ್ತೇವೆ ಎನ್ನುವುದರ ಮೇಲೆ ಇಡೀ ವರ್ಷದ ತಮ್ಮ ಅದೃಷ್ಟ ಅವಲಂಬಿಸಿರುತ್ತದೆ ಎನ್ನುವುದು ಮಲಯಾಳಿಗಳ ದೃಢವಾದ ನಂಬಿಕೆ.

 

ಶ್ರೀ ಕೃಷ್ಣನ ವಿಗ್ರಹ ಅಥವಾ ಚಿತ್ರದ ಮುಂದೆ ದೇವರ ಕೋಣೆಯಲ್ಲಿ 'ಉರುಳಿ' ಎನ್ನುವ ಪಂಚ ಲೋಹದ ದೊಡ್ಡ ವೃತ್ತಾಕಾರದ ಬೋಗುಣಿಯಲ್ಲಿ ಕನಿಕೊನ್ನ ಹೂವುಗಳು, ಅಕ್ಕಿ, ಅಡಕೆ-ವೀಳ್ಯದೆಲೆ, ತೆಂಗಿನಕಾಯಿ, ಹಳದಿ ಮಂಗಳೂರು ಸೌತೆಕಾಯಿ, ಹಲಸಿನ ಹಣ್ಣು, ಮಾವಿನಕಾಯಿ, ಹಳದಿ ನಿಂಬೆ ಹಣ್ಣು, ವಾಲ್ಕನ್ನಡಿ ಅಥವಾ ಆರನ್ಮುಲ ಕನ್ನಡಿ ಎಂದು ಕರೆಯಲ್ಪಡುವ ಲೋಹದ ಕನ್ನಡಿ, ಚಿನ್ನದ ಜರಿ ಅಂಚಿರುವ ಸಾಂಪ್ರದಾಯಿಕ ಕೇರಳ ಕಸವು ಸೀರೆ ಅಥವಾ ಪಂಚೆ, ಒಡವೆಗಳು, ಕರೆನ್ಸಿ ನೋಟು-ನಾಣ್ಯಗಳು, ಹಿಂದೂಗಳ ಪವಿತ್ರ ಪುಸ್ತಕಗಳಾದ ರಾಮಾಯಣ ಅಥವಾ ಭಗವದ್ಗೀತೆಯನ್ನು ಇರಿಸುತ್ತಾರೆ. ಪಕ್ಕದಲ್ಲಿ ‘ನಿಲವಿಲಕು’ ಎನ್ನುವ ಒಂಟಿ ಎಣ್ಣೆ ದೀಪವನ್ನೂ ಹೊತ್ತಿಸುತ್ತಾರೆ. 

 

ಸಾಮಾನ್ಯವಾಗಿ ಕುಟುಂಬದ ಹಿರಿಯ ಮಹಿಳೆ ವಿಶು ದಿನದ ಹಿಂದಿನ ರಾತ್ರಿ ವಿಶು ಕಣಿಯನ್ನು ಸಿದ್ಧಪಡಿಸುತ್ತಾಳೆ. ನಮ್ಮ ಮನೆಯಲ್ಲಿ ನಾನು ಹಬ್ಬದ ದಿನಕ್ಕಾಗಿ ತರಕಾರಿಗಳನ್ನೆಲ್ಲಾ ರಾತ್ರಿ ಕೊಯ್ದು ಮಲಗಿದ ಮೇಲೆ ನನ್ನ ಗಂಡ ವಿಶು ಕಣಿಯನ್ನು ಸಿದ್ಧಪಡಿಸುತ್ತಾನೆ. ಹಬ್ಬದ ದಿನ ಬ್ರಾಹ್ಮೀ ಮುಹೂರ್ತದಲ್ಲಿ (ಮುಂಜಾನೆ ೪ ರಿಂದ ೬ ಗಂಟೆಯೊಳಗೆ) ನಾಲ್ಕು ಗಂಟೆಗೆ ಮೇಲೆದ್ದು, ದೇವರ ವಿಶು ಕಣಿಯ ಪಕ್ಕದಲ್ಲಿರಿಸಿರುವ ದೀಪ ಹಚ್ಚಿ ಶ್ರೀ ಕೃಷ್ಣನ ದರ್ಶನ ಮಾಡಿ ನಮ್ಮನ್ನು ಎಬ್ಬಿಸಲು ಬರುತ್ತಾನೆ. 

 

ಮೊದಲು ನನ್ನನ್ನು, ಎಬ್ಬಿಸಿ, ನನ್ನ ಕಣ್ಣುಗಳನ್ನು ತನ್ನ ಕೈಗಳಿಂದ ಮುಚ್ಚಿ, ದೇವರ ಕೋಣೆಗೆ ಕರೆದುಕೊಂಡು ಹೋಗುತ್ತಾನೆ. ವಿಶು ಕಣಿಯ ಮುಂದೆ ನಿಲ್ಲಿಸಿ ನನ್ನ ಕಣ್ಣುಗಳನ್ನು ಮುಚ್ಚಿದ ತನ್ನ ಅಂಗೈ ತೆಗೆಯುತ್ತಾನೆ. ನಾನು ಕಣ್ಣು ತೆರೆದು ದೀಪದ ಬೆಳಕಿನಲ್ಲಿ ವಿಶು ಕಣಿ ಮತ್ತು ದೇವರ ಚಿತ್ರವನ್ನು ನೋಡುತ್ತೇನೆ. ಆ ಸಮಯದಲ್ಲಿ ಮೊದಲು ಕಣ್ಣಿಗೆ ಬಿದ್ದ ವಿಶು ಕಣಿಯಲ್ಲಿರುವ ಮಂಗಳಕಾರಿ ವಸ್ತು ವರ್ಷವಿಡೀ ನಮಗೆ ಶುಭವನ್ನುಂಟು ಮಾಡುತ್ತದೆ ಎನ್ನುವುದು ನಂಬಿಕೆ. ಅದಾದ ಬಳಿಕ ಕುಟುಂಬದ ಹಿರಿಯನಾಗಿ ನನಗೆ ‘ವಿಶು ಕೈನೀಟಂ’ - ಹಣ - ಕೊಟ್ಟು ಮುಂಬರುವ ವರ್ಷದಲ್ಲಿ ಸಂಪತ್ತು ಮತ್ತು ಸಮೃದ್ಧಿ ದೊರಕಲಿ ಎಂದು ಆಶೀರ್ವದಿಸುತ್ತಾನೆ. ಆಮೇಲೆ ನನ್ನ ಮಗನನ್ನು ಎಬ್ಬಿಸಿ, ಅವನಿಗೂ ವಿಶು ಕಣಿ ತೋರಿಸಿ ವಿಶು ಕೈನೀಟಂ ನೀಡುತ್ತಾನೆ.

(Source: TV9 Kannada)

FIFA World Cup official soundtrack kicks off with Hayya Hayya

The FIFA World Cup Qatar 2022 Official Soundtrack kicks off on Friday with the release of the single Hayya Hayya (Better Together), featuring Trinidad Cardona, Davido and Aisha, ahead of Friday's final draw for the tournament.

With the announcement of the single and the FIFA World Cup Qatar 2022 Official Soundtrack, FIFA continues to build on the FIFA Sound strategy announced in early 2021 and to connect with audiences worldwide through the shared passions of football and music. The entertainment strategy was conceived to create innovative and meaningful connections between football fans, music enthusiasts, players, artists, and the game and songs they all love.

The combination of breakthrough US star Trinidad Cardona, Afrobeats icon Davido and Qatari sensation Aisha captures the spirit of the FIFA World Cup™ and the FIFA Sound strategy by bringing together inspiration from across the globe. 

“By bringing together voices from the Americas, Africa and the Middle East, this song symbolises how music – and football – can unite the world,” said FIFA Chief Commercial Officer Kay Madati. “As part of FIFA's revamped music strategy, the multi-song soundtrack will bring passionate fans closer to the spirit of the FIFA World Cup like never before.”

Drawing on R&B and reggae influences, the song epitomises the excitement of a football festival that will light up the world later this year. 

The track’s debut public performance will take place tonight in front of a worldwide audience of football fans, who will tune in from around the globe to follow the highly anticipated draw starting at 19:00 local time.

The song is the first in a selection of soundtrack singles that will hit the airwaves over the coming months, as anticipation grows in the lead-up to the start of the FIFA World Cup on 21 November 2022.

It is the first time that the tournament’s soundtrack will feature a multi-song collection, with international artists showcasing diverse musical genres that span the world, setting the tone for a truly global celebration.

FIFA’s newly launched TikTok channel @FIFAWorldCup will show special glimpses of the final draw, with the new single taking centre stage. The track’s official video will also be premiered on FIFA’s YouTube channel.

Trinidad Cardona, the Arizona-bred pop singer who burst onto the scene in 2017 with the viral hit Jennifer before enjoying global success with the follow-up single Dinero, shared his passion for the message of the song. “When I first heard the song, I was instantly put in a good mood,” he commented. “It’s a celebration, it embodies everything the FIFA World Cup stands for. People from all around the world coming together, and I just love that message.”

Davido, the first solo African artist to sell out a major concert venue in Europe in 2019, shared Trinidad’s enthusiasm for the global message of the song, remarking: “I’ve grown up all over the world. And the more I travelled, the more I realised that we are all one, one people, one world. So, when this came to me, I jumped on it. To be a part of this event that brings together the whole world, and to be a part of this song? ‘We are better together’ went right to my heart. Beautiful, man, beautiful. How could I say no?” Davido, who grew up in Nigeria, has spearheaded a worldwide Afrobeats revolution with smash hits like Fall and If, as well as with his latest album, A Better Time.

The local artist joining the track, Aisha, highlighted her personal connection: “I am blessed and honoured to exist in these exciting times, where I get to witness and be part of this huge milestone for my country, Qatar. The song’s message of togetherness and joy resonated with me as joy was present with us throughout the journey of making this song. It is a dream come true to perform for the FIFA World Cup final draw and be part of such an important song.” Aisha is one of Qatar’s most popular singers, with her talent, drive and passion having led to headlining performances around the world, including at the United Nations General Assembly in New York and at the grand opening of Doha Festival City.

(Source: Qatar Tribune)